საქართველოსა და მონტენეგროს შეხვედრის დასრულების შემდეგ სტუმართა გუნდის კაპიტანმა ბოიან დუბლიევიჩმა მცირე კომენტარი გააკეთა. მისი განცხადებით, დაძაბული თამაში გამოვიდ – ისეთი, როგორსაც მატჩამდე ელოდნენ მონტენეგროელი კალათბურთელები.
“ორივე გუნდისთვის ძალიან კარგი და დაძაბული თამაში იყო. ძლიერ გუნდს მოვუგეთ და ეს არის ჩვენთვის ძალიან მნიშვნელოვანი. ველოდებოდით რომ აქ მოგება წარმოუდგენლად ძნელი იქნებოდა და ასეც მოხდა. ვულოცავ ჩემს თანაგუნდელებსა და სამწვრთნელო შტაბს გამარჯვებას. ევროპის ჩემპიონატზე გასასვლელად ეს იყო ძალიან მნიშვნელოვანი გამარჯვება”, - თქვა მონტენეგროელთა კაპიტანმა.
საქართველოს ნაკრები სამი ტურის ჯგუფში მეორე ადგილზეა, თუმცა აღსანიშნავია, რომ მეორეადგილოსანთა შორის, საუკეთესო მაჩვენებლი გააჩნია. შეგახსენებთ, ევრობასტეკ 2017-ის საგზურს ჯგუფის გამარჯვებულებთან ერთად ოთხი საუკეთესო მეორეადგილოსანიც მოიპოვებს.
