გიბრალტარის ნაკრებმა გუშინ საკუთარ მოედანზე საბერძნეთის ნაკრებთან 1:4 წააგო (VIDEO), მაგრამ აღნიშნული შეხვედრა მისთვის მაინც ისტორიული გამოდგა. საქმე ისაა, რომ მსოფლიოს ჩემპიონატის საკვალიფკაციო ეტაპზე პირველი გოლი გაიტანა – ამის გაკეთება ლიამ უოლკერმა მოახერხა.

მოგეხსენებათ, გიბრალტარი უეფას წევრი 2013 წლიდანაა. მათ პირველივე ამხანაგური თამაში მალტასთან (1:0) წარმატებით დაასრულეს, თუმცა მას შემდგომ შეხვედრა არ მოუგიათ. იმასაც შეგახსენებთ, რომ ევროპის 2016 წლის შესარჩევ ჯგუფში გიბრალტარი საქართველოს ნაკრებთან ერთად იყო და ჯერ მისსავე მოედანზე ვიმარჯვეთ 3:0, მერე შინ – 4:0.