საქართველოს 2015 წლის ჩემპიონ გორის “დილაში” მატებაა. როგორც გორელთა გუნდის ვებგვერდი იტყობინება, ამიერიდან “დილას” ღირსებას ერთბაშად სამი ახალი ფეხბურთელი დაიცავს. კერძოდ, უჩა სოსიაშვილის განკარგულებაში რატი ცაცკრიალაშვილი და ორი კონგოელი ლეგიონერი, რომარიკ ეტოუ და ტობოლტ მოუანგა იქნებიან.

ცაცკრიალაშვილი პოზიციით ნახევარმცველია და შარშან თბილისის “საბურთალოში” ირჯებოდა. ხოლო მანამდე “ცხინვალსა” და “გაგრაშიც” უთამაშია. რაც შეეხებათ ლეგიონერებს, რომარიკ ეტოუ 21 წლისაა, რომელიც საყრდენი ნახევარმცველია. იგი ბოლო სამი სეზონის განმავლობაში თელ ავივის “ბეითარში” გამოდიოდა, რომლის რიგებშიც 81 შეხვედრაში 2 გოლის გატანა შეძლო (გასულ სეზონში, 34 თამაში, 2 გოლი). იყო კონგოს 17-წლამდე ნაკრების წევრიც და მის შემადგენლობაში 2011 წელს მექსიკაში გამართულ შესაბამის ასაკობრივ მსოფლიოს ჩემპიონატზე 4 მატჩი ჩაატარა.

ტობოლტ მოუანგა კი, ასევე 21 წლის გახლავთ და თვდამსხმელია. ბოლოს იგი სამშობლოში, “დიაბლს ნუარში” თამაშობდა…