"მანჩესტერ იუნაიტედის" მთავარმა მწვრთნელმა ჟოზე მოურინიომ გერმანიის ეროვნული ნაკრების ყოფილი ფეხბურთელი და კაპიტანი ბასტიან შვაინშტაიგერი პრემიერლიგის განაცხადში შეიყვანა. "წითელი ეშმაკების" 23-კაციანი შემადგენლობა პრემიერლიგის ოფიციალურმა ვებგვერდმა გამოაქვეყნა.
როგორც ცნობილია, პორტუგალიელმა სპეციალისტმა გერმანელი ნახევარმცველი სარეზერვო გუნდში დააქვეითა. ამის მიუხედავად, ბასტიანმა ზაფხულის სატრანსფერო პერიოდში კლუბი არ დატოვა და განაცხადა, გუნდში ადგილის დასამკვიდრებლად ვიბრძოლებო. მოურინიომ კი აღნიშნა, გერმანელს მაღალი კონკურენციის გამო მოედანზე გასვლა გაუჭირდება, თუმცა შეუძლებელი არაფერიაო.
