18 წლის ქართველმა ჩოგბურთელმა მარიამ ბოლქვაძემ ბათუმში მიმდინარე 10-ათასიანი ტურნირის ნახევარფინალში გააღწია.

მე-3 ნომრად განთესილმა ბოლქვაძემ მეოთხედფინალში რუსი ანასტასია ფროლოვა 7:6 (7:4), 6:2 დაამარცხა, ფინალის საგზურისთვის კი მე-8 რეიტინგის მქონე რუს ოლგა პუჩკოვას გაეჯიბრება. ცნობისთვის, ამ უკანასკნელმა მე-2 რეიტინგით მოასპარეზე სოფო ქვაცაბაიას 6:4, 6:3 სძლია.

ტურნირს გამოეთიშა თათია მიქაძეც, რომელიც მე-7 განთესვის მქონე რუს ალეკსანდრა პოსპელოვასთან 6:3, 1:6, 3:6 დამარცხდა. აქვე ვთქვათ, რომ პოსპელოვა ნახევარფინალში თანამემამულე მარგარიტა ლაზარევას (მე-4) გაეჯიბრება.

წყვილთა შეჯიბრის ფინალში ითამაშებენ ბოლქვაძე და მიქაძე. მათ მარიამ დალაქიშვილი და რუსი ზოზია კარდავა 6:1, 6:2 დაამარცხეს და ფინალში უკრაინელ ფომინას და რუს ლაზარევას ეთამაშებიან.