ინგლისის ფეხბურთის ასოციაციის სადისციპლინო კომიტეტმა შესაძლოა, “მანჩესტერ სიტის” თავდამსხმელი სერხიო აგუერო დასაჯოს. როგორც ცნობილი ხდება, არგენტინელი სამმატჩიანი დისკვალიფიკაციის საფრთხის წინაშეა – კერძოდ, პრემიერლიგის ბოლო ტურში “ვესტ ჰემთან” მატჩისას იგი მეტოქე უინსტონ რეიდს არასპორტულად ეთამაშა, რაც აღნიშნული მატჩის არბიტრ მარინერს გამორჩა, მაგრამ ფეხბურთის ასოციაციას – არა.
თუ ასე მოხდა და აგუერო დასაჯეს, მაშინ მას 10 სექტემბერს, “ოლდ ტრაფორდზე” გასამართი მანჩესტერული დერბი გაუცდება. სხვათა შორის, კუნმა იმავე “ვესტ ჰემთან” მატჩისას ტრავმა მიიღო და სანაკრებო ბატალიები ამის გამო უცდება.
