“რა მოხდა 21-დან 35-ე წუთამდე მოედანზე საერთოდ არ მახსოვს”, - ასეთი კომენტარი გააკეთა ლევერკუზენის “ბაიერის” მეკარე ბერნდ ლენომ “გლადბახთან” მატჩის შემდეგ. საქმე ისაა, რომ გერმანიის ნაკრების კიპერს ბუნდესლიგის პირველ ტურში ოსკარ ვენდტის დარტყმული ბურთი (93კმ სიჩქარით მოძრავი) ცხვირში მოხვდა, გონება დაკარგა, თუმცა თამაშის გაგრძელება შეძლო.

აღსანიშნავია, რომ ლენომ მის მიერ ხსენებულ პერიოდში ანდრე ჰანის მეტად სახიფათო დარტყმულიც მოიგერია, მაგრამ მას თუ დავერწმუნებით, არაფერი ახსოვს.

“ლევერკუზენის” სამედიცინო შტაბის უფროსმა კი იმ მიზეზებზე ისაუბრა, რის გამოც ლენო არ შეცვალეს:

“ლენო ტრავმის მომენტში ჩვენს მიერ დასმულ ყველა კითხვას ადეკვატურად პასუხობდა და არ ჰქონია გონზე არყოფნის ნიშნები. შარშან, თასის მატჩზე ყველაფერი განსხვავებულად იყო, რადგან ბერნდს გაოცებული სახე ჰქონდა და კითხვებსაც არ პასუხობდა”, - თქვა ერენშტეინმა.

“ლევერკუზენმა” “გლადბახთან” მატჩი 1:2 წააგო, ხოლო ლენომ გოლები 45-ე და 85-ე წუთებზე გაუშვა.