მადრიდის “ატლეტიკოს” შემტევი ანტუან გრიზმანი თავისი გუნდის სათამაშო ფორმით უკმაყოფილოა. როგორც ფრანგმა თავდამსხმელმა “ლეგანესთან” (0:0) მატჩის შემდეგ განაცხადა, რომ ასეთი “ატლეტიკო” ქვედა ლიგაში გავარდება.

“თუ ასეთი გზით გავაგრძელებთ სიარულს, სეგუნდადივიზიონში დავქვეითდებით – უნდა ვიბრძოლოთ, რომ ასე არ მოხდეს. რაც შემეხება მე, სათამაშო რიტმი მაკლია, ჯერ კიდევ არ ვარ საუკეთესო ფორმაში”, - ციტირებს გრიზმანის სიტყვებს “ასი”.

დიეგო სიმეონეს გუნდს ორი ტურის შემდეგ ლა ლიგაში ჯერაც არ მოუგია – ორივე შემთხვევაში “როხიბლანკომ” ფრე ითამაშა.