ლონდონის "ჩელსის" საკუთრებაში მყოფი ხორვატიის ეროვნული ნაკრების ნახევარმცველი მარიო პასალიჩი 2016/17 წლების სეზონს "მილანში" იჯარის წესით გაატარებს. "როსონერის" თავკაცის ვინჩენცო მონტელას განცხადებით, 21 წლის ფეხბურთელი სამედიცინო შემოწმებას გაივლის და გუნდის წევრი გახდება.

პასალიჩი "არისტოკრატებმა" "ჰაიდუკიდან" 2014 წელს გადაიყვანეს. მას შემდეგ კი მარიო "ჩელსიმ" ჯერ "ელჩეში", შემდეგ კი "მონაკოში" გაანათხოვრა. გასულ სეზონში ხორვატმა ფრანგულ გუნდში 29 მატჩი ჩაატარა და 7 გოლი გაიტანა.