ბელგიის ეროვნული ნაკრების ახალმა მთავარმა მწვრთნელმა რობერტო მარტინესმა სექტემბერში გასამართი მატჩებისთვის პირველი შემადგენლობა დაასახელა. ესპანელმა სპეციალისტმა 25 ფეხბურთელს უხმო.

"წითელი ეშმაკები" პირველ სექტემბერს ბრიუსელში ესპანეთთან ამხანაგურ მატჩს გამართავენ, ხოლო 6 სექტემბერს კვიპროსთან მსოფლიოს ჩემპიონატის შესარჩევი ეტაპის შეხვედრა ელით.

ბელგიის ფეხბურთის ასოციაციის ოფიციალური ვებგვერდის ინფორმაციით, მარტინესის რჩეულტა სია შემდეგნაირად გამოიყურება:

მეკარეები: ტიბო კურტუა ("ჩელსი", ინგლისი), მაც სელსი ("ნიუკასლი", ინგლისი), სიმონ მინოლე ("ლივერპული", ინგლისი).

მცველები: ტობი ალდერვეირელდი, იან ვერტონგენი (ორივე "ტოტენჰემი"), ჯორდან ლუკაკუ ("ლაციო", იტალია), ტომა მენე ("ბრიუგე"), ტომას ვერმალენი ("რომა", იტალია), კრისტიან კაბასელე ("უოტფორდი", ინგლისი), ნიკოლას ლომბერტსი ("ზენიტი", რუსეთი).

ნახევარმცველები: მუსა დემბელე ("ტოტენჰემი", ინგლისი), მარუან ფელაინი ("მანჩესტერ იუნაიტედი", ინგლისი), რაჯა ნაინგოლანი ("რომა", იტალია), აქსელ ვიტსელი ("ზენიტი", რუსეთი), სტივენ დეფური ("ბარნლი", ინგლისი), კევინ დე ბრუინი ("მანჩესტერ სიტი", ინგლისი)

შემტევები: მიში ბატშუაი, ედენ აზარი ("ჩელსი", ინგლისი), იანიკ ფერეირა-კარასკო ("ატლეტიკო", ესპანეთი), კრისტიან ბენტეკე ("კრისტალ პალასი", ინგლისი), დივოკ ორიჯი ("ლივერპული", ინგლისი), კევინ მირალაში, რომელუ ლუკაკუ (ორივე "ევერტონი", ინგლისი), დრის მერტენსი ("ნაპოლი", იტალია), ტორგან აზარი ("გლადბახი", გერმანია).