ინგლისის ნაკრების მთავარი მწვრთნელი სემ ელერდაისი ეროვნულ გუნდში “ჩელსის” მცველის ჯონ ტერის დაბრუნების შესაძლებლობას განიხილავს. როგორც Sky Sports-თან საუბრისას ინგლისელთა ახალმა თავკაცმა განაცხადა, ეს თავად ფეხბურთელზეა დამოკიდებული.
“ნაკრებში ჯონის დაბრუნება თავად მასზეა დამოკიდებული. როგორც კი შესაძლებლობა მომეცემა ამ საკითხზე ფეხბურთელთან პირადად ვისაუბრებ და ვნახოთ რას გადაწყვეტს. ცოტა ხანში ყველაფერი გაირკვევა”- აღნიშნა ელერდაისმა, რომელიც ინგლისის ნაკრებს ამ ზაფხულს ჩაუდგა სათავეში და მთავარი მწვრთნელის პოსტზე როი ჰოჯსონი შეცვალა.
რაც შეეხება 35 წლის ტერის, მან ეროვნული გუნდი 2012 წელს დატოვა, მას შემდეგ, რაც ინგლისის საფეხბურთო ასოციაციამ ის რასიზმში დაადანაშაულა. ლონდონელთა მცველს ინგლისის ნაკრების ღირსება 78 მატჩში დაუცავს და 6 გოლი გაუტანია.
