ჩეხეთის დედაქალაქ პრაღაში მიმდინარე ევროპის ასაკობრივ საჭადრაკო ჩემპიონატზე 5 ტური მიილია და სასიხარულოა, რომ ლიდერთა შორის ქართველსაც ვხედავთ.

წარმატებულად თამაშობს 18 წლამდე ასაკის გოგონათა შორის მოქმედი ჩემპიონი ნინო ხომერიკი (2338), რომელმაც ხუთ პარტიაში 4.5 ქულა მოაგროვა და პირველ ადგილზე იმყოფება.

შეგახსენებთ, რომ ტურნირი სხვადასხვა ასაკობრივ კატეგორიებში (8, 10, 12, 14, 16, 18) ტარდება, როგორც – გოგონათა, ასევე ჭაბუკებს შორის.

ასპარეზობა შვეიცარული სისტემით 9 ტურად იმართება და 28 აგვისტომდე გასტანს. ევროპის ჩემპიონატზე საქართველოს სახელით სულ 24 მოჭადრაკე ასპარეზობს.