54 წლის უკრაინელი მწვრთნელი ვლადიმირ ლიუტი "ზუგდიდში" მუშაობას შეუდგა. როგორც იცით, მას შემდეგ, რაც "ზუგდიდში" დირექტორატი შეიცვალა, მწვრთნელი ოთარ გაბელიაც გაუშვეს და მის ნაცვლად ლიუტი მოიყვანეს.
ვლადიმირ ლიუტი კარგი ფორვარდი გახლდათ, კარიერის დიდი ნაწილი "დნეპრში" გაატარა და 1988 წელს სსრკ-ის ნაკრებში ოლიმპიური ჩემპიონიც გახდა გელა კეტაშვილთან ერთად. შემდეგ მან "შალკესა" და "დუისბურგშიც" ითამაშა.
ლიუტი ბოლოს მოლდოვურ "საქსანს" წვრთნიდა, ხოლო წლეულს ივლისიდან უკრაინული "ტერნოპოლის" სპორტული დირექტორი გახლდათ.
