ეგვიპტურ შარმ ელ შეიხში სტარტი აიღო მორიგმა 10-ათასიანმა ტურნირმა, რომლის ძირითად ბადეშიც 2 ქართველი ჩოგბურთელი – მარიამ ბოლქვაძე და ანა ახალკაცი ითამაშებს.

ბოლქვაძე მე-5 ნომრადაა განთესილი და საწყის რაუნდში რუმინელ ანა ბიანკა მიჰაილას გაეჯიბრება. ახალკაცმა ასპარეზობა კვალიფიკაციიდან დაიწყო და ჩეხი მარკეტა სლივოვა 7:5, 6:2 დაამარცხა. ძირითად ბადეში ახალკაცის მეტოქე ინდოელი შარმადაა ბალუუ იქნება.

წყვილთა ტურნირში ბოლქვაძეს და ხსენებულ მიჰაილას მე-3 განთესვა გააჩნიათ და მერვედფინალში ფრანგ კოდინოს და ბრიტანელ ლარკინს გაეჯიბრებიან.

თავის მხრივ, ახალკაცი და ბრაზილიელი ვაზ ოსორიო დე სოუზა ძალებს ინდოელ ჩამარტისთან და ბრიტანელ ნჯოზესთან მოსინჯავენ.