რუსეთის დედაქალაქ მოსკოვში მიმდინარე მიხეილ ბოტვინიკის თასზე 3 ტური მიილია, საქართველოს ახალგაზრდულ ნაკრებს კი აქტივში ერთადერთი ქულა აქვს და ათ მონაწილეს შორის მე-8 ადგილი უკავია.

შეგახსენებთ, რომ საქართველოს ღირსებას ნიკოლოზ პეტრიაშვილი, ნიკოლოზ კაჭარავა, შოთა ხოდაშნელი და ანასტასია სიდამონიძე იცავენ, გუნდის კაპიტანი კი საერთაშორისო დიდოსტატი ლუკა პაიჭაძეა.

ქართველმა მოჭადრაკეებმა პირველ ტურში ბელარუსთან 3.5:4.5 წააგეს, შემდეგ რუსეთს დაუზავდნენ (4:4), მე-3 ტურში კი მოლდოვასთან დამარცხდნენ (3:5).

მე-4 ტურში საქართველოს ნაკრები ტაჯიკეთს გაეჯიბრება, რომელსაც სამივე შეხვედრა წაგებული აქვს და აშკარა აუტსაიდერია.