საქართველო უმაღლესი ლიგის ბინადარ “ზუგდიდში” ამერიდან ინგლისური პასპორტის მქონე მარცხენა მცველი აბდულა აზიზ დინ-კონტეჰი ითამაშებს. ამის შესახებ მეგრული გუნდის ვებგვერდი ოფიციალურად იტყობინება. როგორც “ზუგდიდის” ფეისბუქგვერდზე წერია, დინ-კონტეჰი, რომელიც ამავდროულად აფრიკული ფესვების მქონეა და სიერა ლეონეს ნაკრების წევრიც გახლავთ, ზუგდიდში უკვე ერთი კვირაა რაც ვარჯიშობს, მაგრამ ხელშეკრულება ახლახან გაფორმდა.

23 წლის აბდულას თავის დროზე ლონდონის “ჩელსის” ასაკობრივ გუნდებში უთამაშია. ამასთან მას ნათამაშები აქვს ინგლისის 16 და 19-წლამდე ნეკრებებში. “ჩელსის” შემდეგ ახალგაზრდა ფეხბურთელი სხვადასხვა დროს ინგლისურ “ბოსტონ იუნაიტედსა” და "პორტ ვეილში” ირჯებოდა. ამასთან აბდულა აზიზ დინ-კონტეჰი ბერძნული “ერგოტელისისა” და “ მოლდოვური “ზარია ბელცის” ღირსებებსაც იცავდა.