ზაგრების “დინამოს” მარჯვენა მცველი იოსიპ პივარიჩი “დინამო” თბილისთან მატჩის წინ კომენტარს აკეთებს. როგორც ხორვატმა მცველმა თქვა, ისინი მეტოქეს პატივს სცემენ.
მიუხედავად ამისა, პივარიჩი მიიჩნევს, რომ ზაგრებული გუნდი ფავორიტია, რადგან პირველი შეხვედრა კომფორტული უპირატესობით აქვს მოგებული.
“ჩვენ პატივს ვცემთ მეტოქეს, რომელმაც დაგვანახა, რომ საკმაოდ კარგი გუნდია. პირველი მატჩი მოგებული გვაქვს და ეს ერთგვარი უპირატესობაა. თუმცა, ყველაფერს გავაკეთებთ, რომ მომდევნო თამაში ჩვენთვის უკვე ჩემპიონთა ლიგის პლეი-ოფი იყოს”, - განაცხადა პივარიჩმა.
