მარიო ბალოტელის მომავალი გაურკვეველია. მისდა საუბედუროდ აქამდე მისთვის მინო რაიოლასაც არ ეცალა, რომელიც პოლ პოგბას “მანჩესტერში” გაყიდვას მაქსიმალურად სარფიანად ცდილობს. ამასობაში კი, სუპერმარიოს “ლივერპულშიც” აღარ დაედგომება. როგორც იტალიური მედია იტყობინება, განური ფესვების მქონე ჭირველი ფეხბურთელი შესაძლოა ამსტერდამის “აიაქსის” ფეხბურთელი გახდეს. რაიოლამ თურმე ჰოლანდიელებს თავისი კლიენტი უკვე შესთავაზა...
გარდა “აიაქსისა”, მინო მარიოს გასხვისებას “ნაპოლიშიც” ცდილობს, თუმცა ეს ვარიანტი ნაკლებად რეალურია. ამასთან, ფეხბურთელმა და აგენტმა ერთობლივად სტამბოლის “ბეშიქთაშის” შემოთავაზება უარით გაისტუმრეს.
მოგეხსენებათ, ბალოტელის “მილანში” იჯარა დაუსრულდა და “ენფილდ როუდზე” დაბრუნდა, თუმცა იურგენ კლოპმა იმთავითვე მიანიშნა, რომ ბალოტელი მის გეგმებში არ ჯდებოდა და ახალი გუნდის მოძებნა ურჩია.
