გერმანიის ეროვნული ნაკრებისა და რომის „ლაციოს“ ყოფილი თავდამსხმელი მიროსლავ კლოზე, რომელიც ამჟამად უკლუბოდაა, სამშობლოში არ დაბრუნდება.

38 წლის ვეტერანით მისი მშობლიური კლუბი, „კაიზერსლაუტერნი“ იყო დაინტერესებული, თუმცა Sky Germany-ს ცნობით, თავად ფეხბურთელს კარიერის საზღვარგარეთ გაგრძელება სურს.

კლოზეს ვარიანტები ამერიკიდან და ჩინეთიდან აქვს. მან იტალიის ჩემპიონატში „ლაციოს“ მაისურით 55 გოლი გაიტანა, ბუნდესლიგაში: „კაიზერსლაუტერნის“, „ვერდერის“ და „ბაიერნის“ შემადგენლობაში - 121,ხოლო ქვეყნის ეროვნულ გუნდში თამაშისას - 71.