ლოს ანჯელეს “კლიპერსმა” 32 წლის გამოცდილი გამთამაშებელი რეიმონდ ფელტონი დაიმატა, აღნიშნულ ინფორმაციას კლუბის ოფიციალური ვებგვერდი ავრცელებს. წყაროს ცნობით, ფელტონმა კლუბთან ერთწლიანი კონტრაქტი გააფორმა, შეთანხმების სხვა დეტალები უცნობია.

განვლილ სეზონში რეიმონდი “დალასის” ღირსებას იცავდა, სადაც საშუალოდ ერთ შეხვედრაში 9.5 ქულას, 3.2 მოხსნას და 3.6 პასს აკეთებდა.

ფელტონს “შალოტ ბობკეტსში”, “ნიუ იორკში”, “დენვერ ნაგეტსში”, “პორტლენდში”, და “დალასში” უთამაშია.