ინგლისის პრემიერლიგის ბინადარმა “ლივერპულმა” ვეტერანი ავსტრიელი მეკარე ალექს მანინგერი გაიფორმა. ამის შესახებ “წითლების” ვებგვერდი იტყობინება. მანინგერი, რომელიც სხვათა შორის 39 წლისაა, “ენფილდზე” მომდევნო სეზონს გაატარებს – იგი “ლივერპულს” თავისუფალი აგენტის სტატუსით შეუერთდა.
“ჩემთვის ეს ნამდვილი სიურპრიზი გახლდათ. ახალ გუნდს ვეძებდი, მაგრამ “ლივერპულიდან” თუ დმაიკავშირდებოდნენ, არ მეგონა. ყველაფერს გავაკეთებ გუნდისთვის, როგორც მოედანზე, ისე გასახდელში”, - განაცხადა ალექსმა.
მანინგერის შესახებ “ბითოლმანების” თავკაცმა იურგენ კლოპმაც ისაუბრა:
“ალექსს უდიდესი გამოცდილება გააჩნია – უთამაშია მაღალ დონეზე ინგლისში, გერმანიაში, ესპანეთში, იტალიასა და ავსტრიაში. იგი დიდი პროფესიონალია და სწორედ ამიტომაც ვენდეთ”, - განაცხადა კლოპმა.
მანინგერი ბოლო წლების განმავლობაში გერმანულ “აუგსბურგში” ირჯებოდა. ისე კ, თავის დროზე ლონდონის “არსენალში”, ფლორენციის “ფიორენტინასა” და ტურინის “იუვენტუსშიც” უთამაშია.
