საქართველოს ძალოსნობის ნაკრების სამწვრთნელო შტაბმა რიო დე ჟანეიროს ოლიმპიური თამაშების შემადგენლობაში ერთი ცვლილება განახორციელა - რაულ ცირეკიძის (94 კგ) ნაცვლად, ბრაზილიურ განაცხადში გიორგი ჩხეიძე (105 კგ) ჩაწერეს. 18 წლის სპორტსმენი, რომელიც ახლახან, 20-წლამდელთა შორის მსოფლიოს ჩემპიონი გახდა, ნაკრებთან ერთად ბაზალეთში მიმდინარე შეკრებაზე ემზადება.

ძალოსნები ბაზალეთიდან თბილისში აგვისტოს დასაწყისში დაბრუნდებიან, რიო დე ჟანეიროში კი 4 აგვისტოს ჩაფრინდებიან.

საქართველოს ნაკრები ოლიმპიადაზე სამი ძალოსნით გამოვა. გიორგი ჩხეიძე ბრაზილიურ ფიცარნაგზე 15 აგვისტოს გავა, ხოლო 16-ში მედლებისთვის ბრძოლაში ლაშა ტალახაძე და ირაკლი თურმანიძე (ორივე +105 კგ) ჩაებმებიან.