“მემფის გრიზლის” ცენტრი მარკ გასოლი რიოს ოლიმპიადაზე ესპანეთის ნაკრებს ვერ დაეხმარება, აღნიშნულ ინფორმაციას პორტალი Eurohoops.net-ი ავრცელებს.

წყაროს ცნობით, გასოლს ფეხის ტრავმა ბოლომდე არ მოუშუშებია და სწორედ ამ მიზეზის გამო ცენტრი ოლიმპიადაზე ვერ ითამაშებს.

გასოლს ფეხის ტრავმის გამო თებერვლის შემდეგ აღარ უთამაშია.

რიოს ოლიმპიადისთვის ესპანეთის ნაკრებს ჯერჯერობით შემადგენლობა არ დაუსახელებია.

ოლიმპიური საკალათბურთო ტურნირი 6-21 აგვისტოს ჩატარდება.