ჩინეთის ქალაქ ჩენგდუში გამართული ფიდე-ს გრან-პრის მორიგი ეტაპი ინდოელ მოჭადრაკეთა ტრიუმფით დასრულდა. დრონავალი ჰარიკამ (2526) და ჰამპი კონერუმ (2575) 7.0-7.0 ქულა მოაგროვეს, დამატებითი მაჩვენებლების მიხედვით კი, აღნიშნული თანმიმდევრობით განლაგდნენ.

6.0-6.0 ქულით მესამე-მეხუთე პოზიციები ჩინელმა ვენჯუნ ჟუმ (2578), ბულგარელმა ანტუანეტა სტეფანოვამ (2512) და უკრაინელმა ანა მუზიჩუკმა (2545) გაინაწილეს. ამ უკანასკნელმა დასკვნით მე-11 ტურში თეთრი ფიგურებით ბელა ხოტენაშვილი (2454) დაამარცხა, რომელმაც 5.5 ქულით მე-6 ადგილი დაიკავა.

ხოტენაშვილს 0.5 ქულით ჩამორჩა და მე-9 პოზიცია ერგო ლელა ჯავახიშვილს (2487), რომელიც ბოლო პარტიაში თეთრებით უკრაინელ მარია მუზიჩუკს (2545) დაუზავდა.