ქართველი ჩოგბურთელი ალექსანდრე მეტრეველი პოლონეთის ქალაქ პოზნანში მიმდინარე ჩელენჯერს (საპრიზო ფონდი 42 500 ევრო) პირველივე წრეში გამოეთიშა.

მეტრეველი არგენტინელ აგუსტინ ველოტის გაეჯიბრა და მართალია, ორივე სეტში ბრეიკით იგებდა, საბოლოოდ, 6:7 (2:7), 2:6 დამარცხდა.

წყვილთა ტურნირში მეტრეველი და ტაივანელი ჰსიე-იინ პენგი მე-3 განთესვით ჩაებმებიან და ძალებს პოლონურ დუეტთან (გავრონი-მაიროვიჩი) მოსინჯავენ.