ესპანურ ბენასკეში მიმდინარე საერთაშორისო ტურნირზე 4 ტურის თავზე ქულათა მაქსიმუმით 10 მონაწილე დაწინაურდა, თუმცა, მათ შორის ქართველ მოჭადრაკეებს ვერ ვხედავთ.

ქართველთაგან საუკეთესო შედეგი სალომე მელიას (2411) აქვს. გასულ ტურში ის შავი ფიგურებით ფრანგ აქსელ დელორმეს (2514) დაუზავდა და 3.5 ქულით 23-ე ადგილზე იმყოფება. მე-5 ტურში მელია თეთრებით რუს ვლადიმირ ბურმაკინს (2549) ეთამაშება.

4 ტურის თავზე 3.0-3.0 ქულით, შესაბამისად, 63-ე და 66-ე პოზიციები უკავიათ ქეთი წაწალაშვილს (2239) და ნინო ბაციაშვილს (2466), ხოლო მერი არაბიძე (2360) 2.5 ქულით 92-ე ადგილამდე დაქვეითდა.