“ჰიუსტონ როკეტსმა” და ჯეიმს ჰარდენმა ახალი კონტრაქტი გააფორმეს, რომლის თანახმადაც ამერიკელი კალათბურთელი ტეხასურ კლუბში კიდევ 4 წელი დარჩება, ხელფასის სახით კი 118 მილიონ დოლარს მიიღებს.

გასული ხელშეკრულება 2018 წელს იწურებოდა და მის თანახმად ჰარდენს 2016-17 წლების სეზონში – 16.8, ხოლო 2017-18 წლებში 17.8 მილიონი დოლარი უნდა გამოემუშავებინა.

განახლებული კონტრაქტი გაცილებით უკეთესია. ახლა, გამოდის, რომ მომდევნო სეზონებში ჯეიმსი, შესაბამისად, 26.5, 28.3, 30.4 და 32.7 მილიონ დოლარს მიიღებს.

გასული სეზონში 26 წლის ჰარდენის საშუალო მონაგარი 29.0 ქულა, 6.1 მოხსნა, 7.5 პასი და 1.7 ჩაჭრა გახლდათ, რაც მთელს ლიგაში ერთ-ერთი საუკეთესო მაჩვენებელია.