ვასილ მაისურაძე თბილისის "ლოკომოტივის" 15-წლამდელებს გაწვრთნის, ანუ 2001 წელს დაბადებულებს. ამავდროულად, მაისურაძე რჩება საქართველოს 21-წლამდელთა ნაკრების სამწვრთნელო შტაბში - ის და გიორგი ჭიაბრიშვილი გია გეგუჩაძის თანაშემწეები არიან.

"ლოკომოტივის" 16-წლამდელებს (2000 წელს დაბადებულები) ვლადიმერ ვაშაძე უთავკაცებს, რომელიც 35-ე საფეხბურთო სკოლის ამავე ასაკის გუნდს თავკაცობდა. 18-წლამდელებში კი მწვრთნელი არ შეცვლილა - ისევ გიორგი დევდარიანია.