მადრიდის "რეალმა" 18 წლის პარაგვაელი ამომავალი ვარსკვლავი სერხიო დიასი დაიმატა. ინფორმაციას AS-ი ავრცელებს. ჩემპიონთა ლიგის მოქმედმა ჩემპიონმა "სერო პორტენოს" ფეხბურთელის სანაცვლოდ 5 მილიონი ევრო გადაუხადა და ბონუსის სახით მომავალში ერთ მილიონ ევროსაც დაუმატებს.

ახალგაზრდა ფეხბურთელი მადრიდელებთან ხუთწლიან კონტრაქტს გააფორმებს და სარეზერვო გუნდ "კასტილიაში" ითამაშებს. ალვარო მორატას შემდეგ, სამხრეთამერიკელი კლუბისთვის მეორე შენაძენია.

დიასს ფლეიმეოქერად და თავდამსხმელადაც შეუძლია თამაში. ფეხბურთელი მთავარ გუნდში 2014 წელს დააწინაურეს და მას შემდეგ 8 მატჩში თავი თითო-თითო გოლით და საგოლე გადაცემით გამოიჩინა. დიასს 17 და 20 წლამდელთა ნაკრებებში ჯამში 18 მატჩში 5 გოლი აქვს გატანილი.