მოსკოვის “სპარტაკის” მთავარი მწვრთნელი დიმიტრი ალენიჩევი იმედოვნებს, რომ ჯანო ანანიძე ხშირ ტრავმიანობას გადალახავს და სრულად წამოაჩენს საკუთარ შესაძლებლობებს.

“ჩვენს გუნდში კრეატიული ნახევარმცველი ჯანოა, თუმცა სამწუხაროდ ის მიდრეკილია ტრავმებისადმი. მას დიდი დრო გაუცდა, მხოლოდ გაზაფხულზე გამოჯანმრთელდა და ცუდად არ გამოიყურებოდა. იმედი მაქვს, ანანიძე ტრავმებს თავს დააღწევს და სრულად წარმოაჩენს საკუთარ შესაძლებლობებს” - ციტირებს ალენიჩევის სიტყვებს “სპორტ ექსპრესი”.

ჟურნალისტის კითხვას, ეძებს თუ არა “სპარტაკი” ჯანოს კონკურენტს, რადგან მისი სტილის სხვა ფეხბურთელი ამჟამად არ ჰყავს, ალენიჩევმა უპასუხა, რომ კლუბი რამდენიმე მოთამაშესთან აწამოებს მოლაპარაკებას და თუკი შეთანხმება მოხერხდა, ქართველ ფეხბურთელს ახალ სეზონში კონკურენტი ეყოლება.

საქართველოს ეროვნული ნაკრების 23 წლის ნახევარმცველს რუსული პრესა ახალი სეზონიდან სხვა კლუბში გადასვლას უწინასწარმეტყველებდა, თუმცა “სპარტაკის” თავკაცის ამ განცხადებით თუ ვიმსჯელებთ, მოსკოველები ანანიძესთან განშორებას არ აპირებენ.