მარსელის “ოლიმპიკის” იმედისმომცემი შემტევი ლუკას ოკამპოსი ამიერიდან იტალიური “ჯენოას” ღირსებას დაიცავს. ამის შესახებ ლიგურიული გუნდის ვებგვერდი ოფიციალურად იუწყება. 21 წლის ოკამპოსი “ლუიჯი ფერარისზე” დამდეგ სეზონს იჯარით გაატარებს, თუმცა ერთი წლის თავზე “ჯენოას” მისი გამოსყიდვა სრულად შეეძლება.
ოკამპოსი არგენტინაში “რივერ პლეიტის” ღირსებას იცავდა და 18 წლის ასაკში იგი ფრანგულ “მონაკოში” აღმოჩნდა, სადაც ორი სეზონი დამაჯერებლად გაატარა, ხოლო ორი წლის წინ “მარსელს” შეუერთდა. თუმცა, “ველოდრომზე” მისი კარიერა ისე არ აეწყო, როგორც მოელოდნენ და აგერ ახალი ნავსაყუდელიც იპოვა.
