დონეცკის “შახტარის” საფეხბურთო სკოლის აღზრდილი, 25 წლის თავდამსხმელი სერგეი კოზაჩენკო დღეიდან “ტორპედოში” გაივლის სინჯებს.
ქუთაისელთა პრეს-სამსახურის ცნობით, კოზაჩენკოს ბოლო გუნდი უკრაინის პირველლიგელი კრამატორსკის “ავანგარდი” გახლდათ. მანამდე კი ის “პოლტავაში”, ბელაია ცერკოვის “არსენალში”, ნოვაია კახოვკას “ენერგიაში”, “სუმში” და ხერსონის “კრისტალში” თამაშობდა.
“ბოლო პერიოდში მუხლი მაწუხებდა და ამის გამო, დიდი სათამაშო პრაქტიკა არ მქონია. ვიმკურნალე და ახლა, სრულიად ჯანმრთელი ვარ. საქართველოში პირველად ჩამოვედი. ვეცდები, “ტორპედოს” მწვრთნელებს თავი მოვაწონო”, - განაცხადა სერგეი კოზაჩენკომ.
