ესპანური “ბარსელონას” ახალი მთავარი მწვრთნელი შარუნას იასიკევიჩიუსი გახდება. AS-ის ცნობით, ლიტველი სპეციალისტის კატალონიურ გრანდთან “2+1” სისტემით კონტრაქტს გააფორმებს.

იასიკევიჩიუსი აღნიშნულ პოსტზე ხავი პასკუალს ჩაანაცვლებს, რომელიც “ბარსელონას” 8 სეზონის განმავლობაში წვრთნიდა.

მოთამაშეობის ჟამს, შარუნასი “ბარსას” ღირსებას 2 მონაკვეთის განმავლობაში იცავდა და 2-ჯერ ესპანეთის ჩემპიონობა, 3-ჯერ კი თასის აღება იზეიმა.

მწვრთნელის რანგში 40 წლის იასიკევიჩიუსი თავდაპირველად მშობლიურ “ჟალგირისში” გამოჩნდა. 2014 წელს ის კაუნასელთა თავკაცის ასისტენტად მუშაობდა, მიმდინარე წლის იანვარში კი გუნდის მთავარი მწვრთნელი გახდა და “ჟალგირისი” ლიტვის ჩემპიონობამდე მიიყვანა.