2015-2016 წლების სეზონის საუკეთესო ქართველ სპორტსმენად, სპორტულმა გაზეთმა "ლელომ", NBA-ს მოთამაშე საქართველოს ვაჟ კალათბურთელთა ეროვნული ნაკრების ცენტრალური თავდამსხმელი ზაზა ფაჩულია დაასახელა.

ამის შესახებ განცხადება ზაზა ფაჩულიას კალათბურთის აკადემიაში დღეს გამართული პრესკონფერენციის შემდეგ "ლელოს" წარმომადგენელმა ვაჟა სიმონიშვილმა გააკეთა და მანვე ფაჩულიას სპეციალური პრიზი გადასცა.