ევროპის ლიგის პირველ საკვალიფიკაციო ეტაპზე გორის „დილა“ სომხეთის ქალაქ გიუმრის „შირაქს“ დაუპირისპირდება.

პირველ შეხვედრას გორელები საკუთარ „თენგიზ ბურჯანაძის“ სახელობის სტადიონზე 30 ივნისს გამართავენ. შეხვედრა 18:00 საათზე დაიწყება და მის პირდაპირ რეპორტაჟს საზოგადოებრივი მაუწყებელი გეგმავს.

როგორც "დილას" პრესსამსახური იტყობინება, აღნიშნული მატჩის ბილეთები 28 ივნისიდან ქალაქ გორში, თეატრის სალაროებში გაიყიდება. ბილეთის ფასი 3, 5 და 10 ლარი იქნება.