იტალიის ჩემპიონ ტურინის “იუვენტუსის” გენერალურმა დირექტორმა ჯუზეპე მაროტამ გუნდიდან ესპანელი ფორვარდის ალვარო მორატას წასვლა დააანონსა. როგორც მან იტალიელ ჟურნალისტებს უთხრა, “რეალი” პირინელ ფორვარდს გამოისყიდის.

“რეალ მადრიდმა ალვაროს უკან დაბრუნება გადაწყვიტა და შესაბამისად, მორატა შინ ბრუნდება. ახლა დოკუმენტებს ველოდებით, მერე კი ვნახოთ რა მოხდება”, - თქვა მორატამ.

მოგეხსენებათ, ალვარო მორატა “იუვენტუსში” ორწლიანი იჯარით 2014 წლის ზაფხულში ჩაირიცხა, თუმცა კონტრაქტში იდო პუნქტი, რომლის თანახმადაც, “რეალს” მის უკან დასაბრუნებლად 30 მილიონი ევრო უნდა გაეღო. მიმდინარე სატრანსფერო ფანჯრისას, მორატას ტურინიდან აბარგების შესახებ თითქმის ყოველდღე ვრცელდებოდა ახალი ინფორმაცია, მაგრამ როგორც ჩანს, იგი მაინც მშობლიურ გუნდს დაუბრუნდება.