საქართველოს ვიცე-ჩემპიონი “სამტრედია” ევროპა ლიგის I საკვალიფიკაციო ეტაპზე აზერბაიჯანულ “გაბალას” შეხვდება, რომელიც ჩვენთვის კარგად ნაცნობია. შარშან “დინამო” სწორედ ამ გუნდთან დამარცხდა (2:1, 0:2) ევროპა ლიგის პირველ ეტაპზე. “გაბალას” თავკაცი რომან გრიგორჩუკი azerisport-თან საუბარში ამბობს, რომ “სამტრედიაზე” არაფერი იცის, მაგრამ ქართულ გუნდებს ფეხბურთის კარგად თამაში შეუძლიათო.

“მეტოქის შესახებ თითქმის არაფერი ვიცით, რადგან მათზე ინფორმაცია არ მოიპოვება. მე მხოლოდ ის ვიცი, რომ ყველა ქართულ გუნდს შეუძლია ფეხბურთის თამაში და კარგი ფეხბურთელები ჰყავთ. გასულ სეზონში ჩვენ ასევე ქართული გუნდით დავიწყეთ ევროტურნირებზე გამოსვლა, თუმცა ახლა, იმის გათვალისწინებით, რომ “სამტრედიაზე” არაფერი ვიცით, შედარებას ვერ გავაკეთებ. ჩვენ შევისწავლით მოწინააღმდეგეს და მოვემზადებით”, - თქვა უკრაინელმა სპეციალისტმა.

“გაბალა” “სამტრედიას” 30 ივნისს უმასპინძლებს, ხოლო საპასუხო თამაში 7 ივლისს, ზესტაფონში გაიმართება.