საქართველოს ბერძნულ-რომაული სტილით მოჭიდავეთა ახალგაზრდული ნაკრები ბუქარესტში გაემგზავრა, სადაც ხვალიდან 26 ივნისის ჩათვლით ევროპის ახალგაზრდული ჩემპიონატი გაიმართება. ბერძენ-რომაელებს ექვსდღიანი შეჯიბრების პირველი ორი დღე დაეთმობათ. 21 ივნისს მედლები 50, 60, 74 და 96 კილოგრამ წონით კატეგორიებში გათამაშდება, ხოლო 22 ივნისს - 55, 66, 84 და 120 კილოგრამებში.

ზაზა სილაგაძის გაწვრთნილმა გუნდმა შარშანდელ ევროპირველობაზე 6 მედალი მოიპოვა და საერთო გუნდურ ჩათვლაში გაჩემპიონდა. იმ შემადგენლობიდან მომავალი ჩემპიონატის განაცხადში კვლავ არიან ევროპისა და მსოფლიოს ჩემპიონი ზვიად პატარიძე (120 კგ), მსოფლიოს ჩემპიონი რამაზ ზოიძე (66 კგ), ევროპის პრიზიორი ლევან ქავჟარაძე (60 კგ) და ევროპისა და მსოფლიოს პრიზიორი ნუგზარ წურწუმია (50 კგ).

აქვე სრული შემადგენლობაც:

50 კგ - ნუგზარ წურწუმია

55 კგ - დავით ჩხარტიშვილი

60 კგ - ლევან ქავჟარაძე

66 კგ - რამაზ ზოიძე

74 კგ - თემურ ჭკუასელიძე

84 კგ - გურამ ხეცურიანი

96 კგ - გიორგი მელია

120 კგ - ზვიად პატარიძე