ამერიკელმა გამთამაშებელმა მაიკლ დიქსონმა საქართველოს მოქალაქეობა მიიღო, რაც იმის წინაპირობად უნდა მივიჩნიოთ, რომ ის საქართველოს ეროვნული ნაკრების ღირსებას დაიცავს. ამ სიახლეს Sportando.com ავრცელებს.

25 წლის დიქსონმა გასული სეზონი ჩეხურ “ნიმბურკში” გაატარა და გუნდის საუკეთესო მოთამაშეც გახლდათ. მაიკლმა ვთბ-ლიგაში 31 მატჩი ჩაატარა და საშუალოდ 14.4 ქულას, 2.7 მოხსნას, 4.6 პასს და 1.4 ჩაჭრას აგროვებდა.

მოსკოვის ცსკა-სთან მეოთხედფინალურ სერიაში, რომელიც ჩეხებმა 0:3 წააგეს, დიქსონი ასევე გამორჩეული იყო. ამერიკელმა უკანახაზელმა შესაბამისად, 16, 13 და 19 ქულა ჩააგდო და პლეი-ოფი, საშუალო 16.0 ქულით, 2.3 მოხსნით, 4.0 პასით და 1.3 ჩაჭრით დაასრულა.

ახლა, დიქსონით დაინტერესებას ათენის აეკ-ი იჩენს, თავად კალათბურთელი ორშაბათიდან აშშ-ში გამგზავრებას გეგმავს და “ბლეიზერსის” მიერ ორგანიზებულ მინი-კემპზე პორტლენდური გუნდისთვის თავის მოწონებას ეცედბა.

შეგახსენებთ, რომ აქამდე, აქტიური საუბარი მიდიოდა საქართველოს ნაკრებში “ლაბორალ კუჩას” ამერიკელ მაიკ ჯეიმსის ჩარიცხვაზე, მაიკლ დიქსონისთვის ქართული პასპორტის მიცემა კი ბევრ რამეს ცვლის.