ნაციონალური საკალათბურთო ასოციაციის სუპერფინალური სერიის მეექვსე შეხვედრაში “კლივლენდ კავალიერსმა” შინ “გოლდენ სტეიტი” 115:101 დაამარცხა და სერიაში ანგარიში 3:3 გახდა, რაც იმას ნიშნავს, რომ ნბა-ს ჩემპიონს გადამწყვეტი მეშვიდე შეხვედრა გამოარკვევს.

მატჩში გადამწყვეტი პირველი პერიოდი აღმოჩნდა, რომელიც “კავალერიამ” 31:11 მოიგო, “ოქროს შტატელები” მთელი შეხვედრის განმავლობაში მდევრის როლში იყვნენ. მატჩის საუკეთესო მოთამაშე ლებრონ ჯეიმსი გახლდათ, რომელმაც გუნდს 41 ქულა, 11 პასი, 8 მოხსნა, 4 ჩაჭრა და სამი ბლოკ-შოტი შესძინა. “გოლდენ სტეიტში” სტეფ კარი 30 ქულით გამოირჩა.

გადამწყვეტი მეშვიდე შეხვედრა “გოლდენ სტეიტის” დარბაზში 20 ივნისს თბილისის დროით 04:00 საათზე დაიწყება.

“კლივლენდ კავალიერსი” – “გოლდენ სტეიტი” 115:101 (31:11, 28:32, 21:28, 35:30)

https://www.youtube.com/watch?v=6TBBB1FUKLw