ქართველმა ჩოგბურთელებმა ეკატერინე გორგოძემ და სოფო ქვაცაბაიამ გერმანიის ქალაქ ბრაუნშვაიგში მიმდინარე 25-ათასიანი ტურნირის პირველი წრე დასძლიეს.

ქართულმა წყვილმა მერფვედფინალში მე-4 ნომრად განთესილ ხორვატულ-ამერიკულ დუეტს (ტენა ლუკასი-ბერნარდა პერა) 1:6, 6:2 10:7 მოუგო, მეოთხედფინალში კი გერმანულ ტანდემს (კატარინა გერლაჩი-კატარინა ჰობგარსკი) გაეჯიბრება.

შეგახსენებთ, რომ ერთეულებში ქვაცაბაიამ კვალიფიკაცია დასძლია და ახლა, ხსენებულ ლუკასს ეთამაშება, რომელიც მე-7 ნომრადაა განთესილი.

რაც შეეხება გორგოძეს, ის პირდაპირ ძირითად ბადეში იყო დაშვებული და საწყის რაუნდში კვალიფიკაციის ერთ-ერთ გამარჯვებულ – ლისა მატვიენკოს (გერმანია) ეთამაშება.