“ვალენსიას” აწ უკვე ყოფილი ვინგერი სოფიანე ფეგული “ვესტ ჰემში” განაგრძობს კარიერას. აღნიშნული ტრანსფერი ლონდონური კლუბის ოფიციალურმა ვებგვერდმა დაადასტურა.

26 წლის ალჟირელი ახალ კლუბს 1 ივლისს თავისუფალი აგენტის სტატუსით შეუერთდება და მის ღირსებას სამი სეზონის განმავლობაში დაიცავს.

შეგახსენებთ, რომ ფეგული “ვალენსიაში” 2010 წლიდან თამაშობდა და ამ დროის განმავლობაში ჩატარებულ 243 მატჩში 42 გოლი გაიტანა. მხარეებს თანამშრომლობის გაგრძელება სურდათ, თუმცა მოთამაშის ხელფასის თაობაზე ვერ შეთანხმდნენ და ალჟირელს “მესტალიას” დატოვება მოუწია.