ქართველმა და ყაზახმა ჩოგბურთელებმა ოქსანა კალაშნიკოვამ და იაროსლავა შვედოვამ ჰოლანდიის ქალაქ ჰერტოგენბოშში მიმდინარე საერთაშორისო ტურნირის (საპრიზო ფონდი 250 ათასი დოლარი) ფინალში თამაშის უფლება მოიპოვეს.

კალაშნიკოვამ და შვედოვამ, რომელთაც Ricoh Open-ზე პირველი განთესვა გააჩნიათ, ნახევარფინალში რუს ალექსანდრა პანოვას და შვეიცარიელ ამრა სადიკოვიჩს 6:1, 6:3 სძლიეს, რისი წყალობითაც 180-180 სარეიტინგო ქულა გამოიმუშავეს.

გადამწყვეტ შეხვედრაში, რომელიც 11 ივნისს გახლავთ დაგეგმილი, ქართველი და ყაზახი ჩოგბურთელები მე-4 რეიტინგით მოთამაშე შვეიცარიულ-სერბულ დუეტს (ქსენია ნოლი-ალეკსანდრა კრუნიჩი) დაუპირისპირდებიან.