ქართველი ალექსანდრე მეტრეველის და ყაზახი დმიტრი პოპკოს წყვილი რუსეთის დედაქალაქ მოსკოვში მიმდინარე საერთაშორისო ტურნირის (საპრიზო ფონდი 75 ათასი დოლარი) ნახევარფინალში გავიდა.

მეტრეველმა და პოპკომ პირველ წრეში მე-4 განთესვის მქონე რუსულ-ბელარუსულ დუეტს (დენის მაცუკევიჩი-ანდრეი ვასილევსკი) 6:4, 7:6 (8:6) სძლიეს, მეოთხედფინალში კი რუსი ალექსანდრ იგოშინი და არგენტინელი ტომას ლიპოვსეკ პუჩესი 7:5, 6:4 დაამარცხეს.

ქართველმა და ყაზახმა ჩოგბურთელებმა 35-35 სარეიტინგო ქულა გამოიმუშავეს, ფინალში გასვლის შემთხვევაში კი მარაგს 60-60 ქულით გაიმდიდრებენ. ნახევარფინალში მეტრეველი და პოპკო ესპანელ დავიდ პერეზ სანზს და ინდოელ რამკუმარ რამანატანს გაეჯიბრებიან.

ისიც ვთქვათ, რომ ფინალში გასულო 1 წყვილის ვინაობა უკვე ცნობილია. გადამწყვეტ მატჩში არგენტინელი ფაკუნდო არგუელო და ვენესუელელი რობერტო მაიტინი ითამაშებენ.