კოპა ამერიკის საიუბილეო გათამაშებას კოლუმბიის სახით პირველი მეოთხედფინალისტი ჰყავს. ხოსე პეკერმანის შეგირდებმა პარაგვაის ეროვნული გუნდი მეორე ტურში კარლოს ბაკას და ხამეს როდრიგესის გოლების წყალობით 2:1 დაამარცხეს (VIDEO) და შემდეგი ეტაპის საგზური გაინაღდეს. პარაგვაელთაგან გოლი ვიქტოლ აიალამ მიითვალა. მატჩის საუკეთესო მოთამაშე ხამეს როდრიგესი გახდა.

აღნიშნული გამარჯვებით კოლუმბიამ ჯგუფში 6 ქულა დააგროვა, მესამეადგილოსან პარაგვაის 5 ქულით გაასწრო და ბოლო ტურში კოსტა რიკასთან წაგების შემთხვევაშიც პირველ ადგილზე დარჩება, რადგან მეორეადგილოსან ამერიკას პირველ ტურში სძლია.

ტურნირის მასპინძელმა გახსნით მატჩში კოლუმბიასთან მარცხის შემდეგ, კოსტა რიკა 4:0 გაანადგურა (VIDEO) და შემდეგ ეტაპზე გასვლის კარგი შანსი აქვს. კლინტ დემპსიმ ერთი გოლი გაიტანა, გარდა ამისა, ჯონსს და ვუდს თავის გამოჩენი საშუალება მისცა. მეოთხე გოლი გრაჰამ ზუსიმ გაიტანა. მატჩის საუკეთესო ფეხბურთელად ჯერმეინ ჯონსი დაასახელეს. ამერიკას 3 ქულა აქვს და ბოლო ტურში პარაგვაისთან მატჩში არწაგების შემთხვევაში მეოთხედფინალში ითამაშებს.

ხვალ გამთენიისას B ჯგუფის ორი შეხვედრა გაიმართება. ბრაზილია ჰაიტის დამარცხებას და პირველი სამი ქულის მოპოვებას შეეცდება, ხოლო პერუ ეკვადორის დამარცხებით - მეოთხედფინალის საგზურის მოპოვებას.