ნუნუ ესპირიტო სანტო “პორტოს” ახალი მწვრთნელია. აღნიშნული ცნობა პორტუგალიური გრანდის ოფიციალურმა ვებგვერდმა დაადასტურა.

42 წლის სპეციალისტი “დრაკონებს” ორი სეზონის განმალობაში გაწვრთნის.

ნუნუსთვის “პორტო” უცხო ადგილი არაა. ის 2002-2004 და 2007-2010 წლებში ამ კლუბის სათადარიგო მეკარე გახლდათ და პორტუგალიის ჩემპიონატში 14-ჯერ მოუწია თამაში, თუმცა მრავალი ტიტულის, მათ შორის ჩემპიონთა ლიგის და უეფას თასის მფლობელი გახდა.

რაც შეეხება სამწვრთნელო კარიერას, ის 2012-2014 წლებში “რიუ ავეში” მუშაობდა, გუნდი 78-ჯერ დამოძღვრა, საიდანაც 31 მატჩი მოიგო, 16 ფრედ ითამაშა და 31 წააგო. მან გამართული შეხვედრების 39.71% მოიგო და მოკრძალებული კლუბი ევროპა ლიგაზე გაიყვანა.

2014 წლის ზაფხულში “ვალენსიას” მუშაობდა და პირველი სეზონი წარმატებულიც გამოუვიდა. ის ლა ლიგის თვის საუკეთესო მწვრთნელად სამჯერ აღიარეს და “ღამურებს” ჩემპიონთა ლიგის საგზურიც მოუპოვა, თუმცა მეორე სეზონი ცუდად დაიწყო და ნოემბრიდან “მესტალიას” დატოვება მოუწია. ნუნუ “ლოს ჩეს” სულ 62-ჯერ გაუძღვა, საიდანაც 32-ჯერ იმარჯვა, 16-ჯერ ფრედ ითამაშა და 14-ჯერ წააგო. მან მატჩების 51.61% იმარჯვა.