საქართველოს ეროვნულმა ნაკრებმა ფიფას რეიტინგში გასულ თვესთან შედარებით რეგრესი განიცადა. ვლადიმირ ვაისის გუნდმა 14 ადგილი დათმო და 2 ივნისის მონაცმებით 137-ე ადგილამდე დაქვეითდა. “ჯვაროსნებს” არსებობის ისტორიაში მსოფლიო რეიტინგში ყველაზე ცუდი შედეგი 2015 წლის აგვისტოში ჰქონდათ, როცა 154-ე ადგილზე იმყოფებოდნენ, საუკეთესო კი 1998 წლის თებერვალში - 42-ე ადგილი.
რეიტინგს ისევ არგენტინის ეროვნული ნაკრები ლიდერობს. პირველ ათეულში მცირე ცვლილებებია, მესამე პოზიცია დათმო და მეხუთე ადგილზე გადაინაცვლა ჩილეს ნაკრებმა, რომელსაც კოლუმბიამ და გერმანიამ გაუსწრეს. ათეულში ადგილი დაკარგა ინგლისმა - როი ჰოჯსონის გუნდს ავსტრიელებმა გაუცვალეს პოციზია.
აქვე გაგაცნობთ რეიტინგის პირველი ათეულს და მსოფლიოს 2018 წლის ჩემპიონატის შესარჩევ ტურნირში საქართველოს ნაკრების მეტოქეთა ამჟამინდელ მდგომარეობას:
1. არგენტინა - 1503
2. ბელგია - 1384
3 (+1). კოლუმბია - 1328
4 (+1). გერმანია - 1310
5 (-2). ჩილე - 1293
6. ესპანეთი - 1267
7. ბრაზილია - 1257
8. პორტუგალია - 1181
9. ურუგვაი - 1150
10 (+1). ავსტრია - 1077
26 (-2). უელსი - 846
33 (-2). ირლანდია - 768
54 (+2). სერბეთი - 576
137 (-14). საქართველო - 260
159 (-3). მოლდოვა – 165
