“კლივლენდ კავალიერსის” ექს-თავკაცი დევიდ ბლატი, რომლის თურქულ “დარუშაფაკაში” დანიშვნა თითქმის გადაწყვეტილი ამბავია, სეზონის განმავლობაში 1.7-დან 2 მილიონ დოლარამდე მიიღებს.
საქვეყნოდ ცნობილია, რომ მანუჩარ მარკოიშვილის გუნდს ზურგს უმდიდრესი კომპანიები უმაგრებენ, რომლებიც ევროლიგასაც სპონსორობენ.
სწორედ მათი გადაწყვეტილებით, ახალი სეზონისთვის ევროპული მასშტაბით ერთ-ერთი უძლიერესი კლუბი იქმნება და ცხადია, პირველ რიგში მთავარი მწვრთნელის პრობლემა გადაიჭრა.
“დარუშაფაკას” უწინდელმა დამრიგებელმა ოქთაი მაჰმუთიმ თანამდებობა რამდენიმე დღის წინ დატოვა, უახლოეს პერიოდში კი ბლატის ოფიცოიალურ წარდგენასაც უნდა ველოდეთ.
