გაბონელი პიერ-ემერიკ ობამეიანგი დორტმუნდის “ბორუსიას” ტოვებს. ამის შესახებ გაბონის ეროვნული ნაკრების მთავარმა მწვრთნელმა ჟორჟე კოშტამ ფრანგულ rfi-სთან საუბრისას განაცხადა.
“პიერმა მთხოვა, რომ ნაკრებში არ გამომეძახებინა, რადგან გუნდის შეცვლას აპირებს”, - თქვა კოშტამ.
ობამეიანგი გაბონის ნაკრებს მიღმა მავრიტანიასთან და კოტ დივუართან გასამართი მატჩების წინ დარჩა.
ობამეიანგს გასული სეზონში მაღალი შედეგიანობით გამოირჩა - აფრიკელმა ფეხბურთელმა ყველა ტურნირის გათვალისწინებით 49 მატჩში 40 გოლი გაიტანა, ხოლო 2015 წელს აფრიკის საუკეთესო მოთამაშედაც დასახელდა. როგორც ცნობილი ხდება, ობამეიანგის ხელში ჩაგდების ყველაზე რეალური შანსი ჟოზე მოურინიოს “მანჩესტერ იუნაიტედს” აქვს.
