27 მაისიდან 7 ივნისის ჩათვლით რუმინეთის ქალაქი მამაია ქალ მოჭადრაკეთა ევროპის მე-17 ინდივიდუალურ ჩემპიონატს უმასპინძლებს. ამ ტურნირში 112-მდე სპორტსმენი მონაწილეობს. მათ შორის 11 ქართველია. თუ არ ჩავთვლით საქართველოს ნომერ პირველ მოჭადრაკე ნანა ძაგნიძეს,ევროპის ჩემპიონატზე ჩვენი ქვეყნის ყველა წამყვანი სპორტსმენი მონაწილეობს.

ტურნირის საპრიზო ფონდი 60 000 ევროა, რომელიც I-XX ადგილებზე გასულ მოჭადრაკეებზე გადანაწილდება. მათგან ყველაზე მეტს 11 000 ათასს ჩემპიონი მიიღებს.

I-XIV ადგილზე გასული სპოტსმენები მსოფლიო ჩემპიონატის საგზურს მიიღებენ.

ასპარეზობა შვეიცარიული სისტემით 11 ტურად ჩატარდება. თუ არ ჩავთვლით ბოლო ტურს, რომელიც 7 ივნისს 14 საათზე დაიწყება, ყველა დანარჩენი თბილისის დროით 16 საათიდან აიღებს სტარტს.

საქართველოს სახელით იასპარეზებენ:

1.ლელაჯავახიშვილი (2493)

2.ნინობაციაშვილი (2476)

3.ნინოხურციძე (2409)

4.სალომემელია (2409)

5.მაიალომინეიშვილი (2367)

6.მერიარაბიძე (2363)

7.სოფიკოხუხაშვილი (2355)

8.სოფიოგვეტაძე (2311)

9.ქეთიწაწალაშვილი (2278)

10.მირანდამიქაძე (2233)

11.სოფონიკოლაძე (2155)